أسامة منير "شال الفيشة".. كفاية تمثيل إننا أحسن ناس في العالم!
بصراحة كدة، أسامة منير في الفيديو ده مكنش المذيع الرومانس اللي بيسمع "يا حبيبي ويا بابا"، ده كان واحد مفروس من اللي بقينا فيه. الراجل خرج عن شعوره وهو بيسألنا: إحنا ليه بقينا كدة؟ ليه بقينا عايشين في "زمن الجاهلية" وضيعنا مننا الشياكة والأدب؟ أسامة حط إيده على الجرح لما قارن بينا وبين "الخواجات" اللي بنشتمهم ليل نهار، وقال إن ربنا كرمهم عشان هما نضاف من جوه ومن بره، بيحترموا الطريق والبشر والكلمة. إحنا بقى شاطرين بس في الشعارات، لكن في الحقيقة البيوت بتتهد والناس بتهين بعضها في الشارع وفي غرف النوم.
الخلاصة من كلامه: لو عاوزين نرجع "مصر الشيك" لازم ننضف عقولنا الأول من الفكر اللي لوث حياتنا وخلى العشوائية هي اللي سايقة.
رابط الحلقه الأصليه قيل الحذف
https://youtu.be/sX5No0KMKPI